GEO | ENG

ქალებს შეუძლიათ,
ქალები მოქმედებენ,
ქალები ცვლიან!

კონტაქტი

ჩვენი საქმიანობა

WIC ამბები

გამოცემები

გუნდი

პარტნიორები და ქსელები

WIC ამბები

ჩვენი მეგობრები

Gender Information Network of South Caucasus

Content on this page requires a newer version of Adobe Flash Player.

Get Adobe Flash player

WIC ამბები

1325 ლოკალიზაცია: უკრაინის დელეგაციის ვიზიტი ერგნეთში

2019 წლის 22- 26 აპრილს საქართველოში სასწავლო ვიზიტით უკრაინის სახელმწიფო სტრუქტურული ერთეულებისა და სამოქალაქო საზოგადოების წარმომადგენლები იმყოფებოდნენ. ვიზიტი მიზნად ისახავდა საქართველოს გამოცდილების გაცნობასა და გაზიარებას, გაეროს უშიშროების საბჭოს რეზოლუცია №1325-ის - ქალები, მშვიდობა და უსაფრთხოება - სამოქმედო გეგმების შესრულებასთან დაკავშირებით. ვიზიტის ფარგლებში უკრაინის დელეგაცია გამყოფ ხაზთან მიმდებარე, სოფელ ერგნეთში ჩავიდა და აგვისტოს ომის მუზეუმი მოინახულა. ომის მუზეუმი 2008 წლის აგვისტოს ისტორიას ინახავს. ის, სიმბოლურად, 2017 წლის 8 აგვისტოს გაიხსნა ცხინვალიდან 500 მეტრით დაშორებულ სახლში, რომელიც ომის დროს დაბომბვის გამო დაიწვა და დაინგრა. დელეგაციის წევრები შეხვდნენ მუზეუმის იდეის ავტორს და სახლის დიასახლისს, გორის მუნიციპალიტეტის საკრებულოსა და გენდერული საბჭოს წევრს ლია ჩლაჩიძეს. შეხვედრაში მონაწილეობა ასევე მიიღო გორის მუნიციპალიტეტის მერის მოადგილემ და გენდერული საბჭოს წევრმა ეკატერინე სუხიშვილმა. სასწავლო ვიზიტის ფარგლებში გაიმართა შეხვედრა საქართველოს სახელმწიფო და სამოქალაქო საზოგადოების წარმომადგენლებთან. უკრაინის დელეგაციის ინტერესის სფეროს წარმოადგენდა კონკრეტული საკითხები, როგორიცაა: ეროვნული სამოქმედო გეგმების შესრულების მონიტორინგი და შედეგები; გაეროს უშიშროების რეზოლუცია 1325 ეროვნული სამოქმედო გეგმის განხორციელება ადგილობრივ დონეზე; ქალთა უფლებების და გენდერული თანასწორობის პოლიტიკის შემუშავების ხელშეწყობა; ქალთა პოლიტიკური მონაწილეობის ხელშეწყობა და ეკონომიკური გაძლიერება (მათ შორის დევნილი ქალებისა და ახალგაზრდების); ოკუპირებულ ტერიტორიებზე მცხოვრები მოსახლეობის ყოფა და ხელმისაწვდომობა ჯანდაცვის სერვისებზე. აღნიშნული ღონისძიება გაიმართა გაეროს ქალთა ორგანიზაციის, უკრაინის დევნილთა და დროებით ოკუპირებული ტერიტორიების სამინისტროსა და დონეცკის, ლუგანსკისა და ზაპოროჟიის რეგიონალური სახელმწიფო ადმინისტრაციების ხელშეწყობით.

2019-06-12

წინა გვერდი 

ჩვენი საქმიანობა   I    WIC ამბები   I    გამოცემები   I    გუნდი   I    პარტნიორები და ქსელები   I    კონტაქტი

© Copyright WIC 2022. ყველა უფლება დაცულია.

მასალების გამოყენების შემთხვევაში www.wicge.org და ავტორის მითითება სავალდებულოა

Webmaster